Фокусирани кон успехот !

Месец јуни 2010 година, крај на учебната година, матурски прослави, матурски испити, летни одмори, а  ние членовите на Младиснкиот клуб „Фокус“, исправени пред предизвикот -успешна реализација на младинската иницијатаива со наслов „Преку неформално образование до најдобро сознание“, која се одржа на 25.06.2010 година во просториите на Фондацијата „Фокус“. И преку оваа трибина уште еднаш ја покажавме и докажавме нашата посветеност во реализирање на успешни младински приказни во нашиот град.
Подигањето на свеста кај младите за придобивките од неформалното образование, беше предизвик за нас, но и за сите во Фондацијата „Фокус“, од каде што ги црпевме идеите за што е можно подобра реализација на истата.
Нашата цел беше да се промовираат придобивките од неформолното образование за младите, како и да се поттикнат идните потенцијални челнови на клубот да го практикуваат неформалното образование и да се вклучат во сите облици што ги нуди истото.
Мотив повеќе за реализација на оваа иницијатива беше одбележувањето на двегодишното успешно функционирање на клубот, кој е препознатлив по тимската работа во градот.
И покрај тоа што периодот на реализација на трибината, ни беше исполнет со обврски поврзани со редовниот образовен процес како и почетокот на летните одмори, тоа не не одврати од првично поставената цел, за успешно реализиран младински настан.
После оваа активност чекориме со гордо кренати глави, исполнети очекувања како и освоени симпатии од околината.
Во иднина спремни сме да реализираме уште многу младински иницијативи, кои ќе бидат искористени за промоција на младинскиот активизам во Велес.

Изложба на фотографии од активности и настани на клубот

Предмет: ПОКАНА

Почитувани,

Младинскиот клуб при Фондацијата „Фокус” во рамките на проектот Младите за отворено општество-Локална младинска иницијатива на 25.06.2010 година (петок) во 18 часот во Младинскиот парк, ќе организира изложба на фотграфии од активности и настани на клубот со наслов „Преку неформално образование, до најдобро сознание “.

Видео клип на младинскиот клуб при Фондацијата „Фокус\”, изработен за промоција на неформалното образование помеѓу младите во Велес.

Трибина „Преку неформално образование, до најдобро сознание“

Предмет: ПОКАНА

Почитувани,

Младинскиот клуб при Фондацијата „Фокус” во рамките на проектот Младите за отворено општество-Локална младинска иницијатива на 25.06.2010 година (петок) во 13 часот во просториите на Фондацијата ќе организира трибина со наслов „Преку неформално образование до најдобро сознание “.
За придобивнките кои може да ги стекнат средношколците во неформалното образование ќе говорат Веса Шкортова, извршен директор на ,,Фокус,, м-р Асен Прличков, психолог, Маја Хеско, социолог, Дијана Иванова, новинар, Бобан Пановски правник од Техничко-технолошкиот факултет, Мартин Алексовски соработник од МОФ и Страхил Тодоров како модератор.

Видео клип на младинскиот клуб при Фондацијата „Фокус”,  изработен за промоција на неформалното образование помеѓу младите во Велес.

Одржана обука „Младинско застапување за граѓански и политички права“

Овој викенд во просториите на Фондацијата „Фокус“, обучувачите од Младинскиот образовен форум одржаа обука на тема „Младинско застапување за граѓански и политички права“.  Оваа обука е во рамките на истоимениот проект, кој е  во имплементација на НВО Инфоцетарот и Младинскиот образовен форум. Обуката ја проследија 15 членови на младинскиот клуб при Фондацијата „Фокус“. Вториот дел од обуката е предвидено да се одржи на 15 и 16 јуни.

Пополнување на апликација за младинска иницијатива

Членовите на младинскиот клуб при Фондацијата  „Фокус“, во рамките на проектот „Младите за отворено општество-локална младинска иницијатива“ кој е во партнерска реализација со МОФ, а е финансиски поддржан од ФИООМ, во дворот на „Домот на НВО“, ја  пополнуваа  апликацијата за младинската иницијатива, по распишаниот конкурс од МОФ. Темата која се обработуваше е да се промовираат активностите од неформалното образование. Насловот на поднесената апликација е „Преку неформално образование, до најдобро сознание“.

Работилница на тема „Младинско вработување“

Работилницата на тема „Младинско вработување“ се одржа на 25.03.2010, во просториите на Фондацијата „Фокус“. На неа учествуваа членовите на младинскиот клуб при Фондацијата „Фокус“ , од бизнис секторот, студенти од Техничко-технолишкиот факултет и професори од средните училишта.
На работилницата средношколците ги искажаа своите мислења и идеи за тоа како може да се намали степенот на невработеност, а воедно и беа заинтересирани за начините за младинско самовработување и креирање на свој сопствен бизнис. Одговорите на овие прашања ги дадоа преставниците од бизис секторот и дел од излагачите наработилницата, кои беа пријатно изненадени од заинетересираноста на младите да станат млади претприемачи, подготвени да превземат ризик и да целат кон успехот.

Семинар „Одговорно претприемништво за млади“

Семинар: “Одговорно претприемништво за млади: Креирање култура на антикорупција во приватниот сектор”

Денеска во просториите на Фондацијата „ФОКУС“ се одржа семинар на тема: “Одговорно претприемништво за млади: Креирање култура на антикорупција во приватниот сектор”, која е дел од многуте активности на Фондацијата ПСМ (Yes-incubator), финансирана од Европската Комисија. На него учествуваа преставници од следниве институции и организации: Сашко Ристовски – ЛЕР Велес, Зоран Јанкуловски – Здружение на финансиски работници, Бобан Пановски – Технолошко-технички факултет – Велес, Софија Цали – “Младите можат” и Маико Којима од АИЕСЕК од Јапонија. Модератор на трибината беше новинарот Саше Димовски. Како гости – учесници на оваа трибина беа членовите на Младинскиот клуб ФОКУС, преставници од бизнис секторот, ЛЕР од Општина Велес, професори од средните училишта и други заинтересирани граѓани. На неа се говореше за начините за спречување на корупцијата на сите полиња, но и за последиците од неа и обостраната одговорност.
Кон крајот на април оваа година, се очекува да се случи национална конференција, која ќе преставува и официјално завршување на овој проект.

Одбележан денот на пролетта

Стотина деца на велосипеди денеска го означија стартот на пролетта. Им порачаа на велешани да ги остават автомобилите и да ги заменат со велосипед. Така животната средина ќе ја направат поздраво и почисто место за живеење. И на еколошките дрва во центарот на градот беа закачени безброј желби и пораки за чиста и здрава средина.

Градоначалникот Петров со желба за здраво поколение. Тој напиша: Топилницата не е мој избор, сите сме на иста страна.

„Најважно е пораките што денеска граѓаните на Велес а сообено децата ќе ги остават да бидат остварени и да бидат дел од историјата. Мојата желба е сите да бидеме заедно околу проблемот со Топилницата и да кажеме дека Топилница не е наш избор”, рече Горан Петров.

Велосипедскиот кроз упатува порака дека Велес треба да биде град на здрави и млади луѓе, а не град на тешкото олово како што беше во изминатите години.

„Ние сме одлучни дека во Велес ќе развиваме здрава и напредна младина и нема да дозволиме повеќе никој да ја уништува, како и останатите граѓани. Затоа е потребно од ден во ден се повече да ја развиваме еколошката свест и животната средина да ја правиме достојна за живот”, рече Ненад Коциќ, претседател на ЕД Вила Зора.

Членовите од младинскиот клуб при Фондацијата „Фокус“, се вклучија во одбележувањето на истиот.

Успешна реализација на проектот „Воспоставување на фонд за поддршка“

Фондацијата „Фокус“ организираше завршен настан за да ги претстави постигнатите резултати од 11месечното функционирање на Фондот за поддршка во кој се

прибираа донации и средства за децата од социјално загрозени семејства од Велес, Градско, Лозово и Чашка.

altНа настанот присуствуваа донаторите и сите оние кои на било каков начин дадоа поддршка и помогнаа овој проект успешно да се реализира.
Статуетки и признанија за хуманост им беа доделени на „Кенди“ од Скопје, Групацијата АД „Жито Вардар“-Велес, Комерцијална банка АД Скопје, Клубот на моторџии „Мото Спиди Ист“ и на Средношколците од Гимназија „Кочо Рацин“ од Велес.
Благодарност за соработката и придонес кон Фондот им беше укажана и на сопствениците на Ресторан „Снупи“, хотел „Романтик“, како и на сопствениците на маркетите во кои беа поставени каси за донации: „Жито Маркети“, „Ани 96“, „Зага Маркет“, „Алфа Маркет“ и колонијал „Мони“.
На средбата беа презентирани активностите кои се одвиваа во текот на реализацијата на овој проект, како и резултатите кои беа постигнати.

Во Фондот беа собрани повеќе од 500.000,00 денари и тоа: нефинансиски средства во материјални добра во износ од 432.137,00 денари и тоа донации во витамини, сокчиња, сол и зачин од Кенди ДООЕЛ-Скопје,  бесплатни секојдневни оброци за 50 деца од основните училишта во износ од 74.273,00 мкд обезбедени од АД „Жито Вардар“-Велес, обезбедени и поделени 100 новогодишни пакетчиња во вредност од 11.500,00 мкд од Мото спиди ист. Финансиски средства од донации во вкупен износ од 28.835,мкд и тоа од Комерцијална банка 10.000,00 мкд и 18.835,00 мкд од средношколците од Гимназија „Кочо Рацин“-Велес и од индивидуални граѓани кои донираа на жиро сметката и во касите поставени во маркетите. Со овие средства беше набавена една анатомска фотеља за ученик во прво одделение во ПОУ „Маца Овчарова“ и 120 енциклопедии за 60 деца од четирите општини.

Во Фондот сеуште се собираат средства од граѓаните кои имаат индивидуални касички за донирање денар-365 дена во годината, со што Фондот ќе продолжи да функционира и понатаму. Исто така и Групацијата АД „Жито Вардар“ ќе продолжи да го обезбедува бесплатниот оброк за 50те деца до крајот на оваа учебна година, со што вкупниот износ на материјални средства ќе се зголеми.

Фондација „Фокус“, на сите донатори, медиуми, сопственици на маркети, волонтерите и на сите граѓани кои дадоа поддршка, од името на дечињата корисници на Фондот, им се заблагодарува за нивната хуманост и  верува дека Фондот нема да престане да помага се додека за тоа постои реална потреба.

Присуство на едукативна работилница

Членовите од младинскиот клуб „Фокус“, присуствуваа на едукативана работилница. На истата присуствуваше и  Даниела Коволовска- координатор на проектот „Воспоставување на Фонд за поддршка“. Членовите од клубот беа запознати за досегашните активностите во истиот и активностите што следуваат во иднина. Како следна активност во овој проект , е дистрибуција на касичките за донирање до индивидуалните донатори. Членовите од клубот се координираа меѓусебно и се поделија по тимови за успешна реализација на оваа активност. И овој пат членовите од клубот ја покажаа својата хуманост преку симболични, но сепак значајни донации за децата од социјано загрозените семејаства.